काठमाडौं । सानिमा लाइफ इन्स्योरेन्स कम्पीको बुधवार नेपाल स्टक एक्सचेञ्ज(नेप्से) मा सूचीकृत भएको छ । कम्पनीको २ करोड कित्ता सेयर नेप्सेमा सुचीकृत भएको हो ।
योसंगै कम्पनीको उक्त सेयर बिहीबारदेखि कारोबारमा आएको हो । कारोबारमा आएको पहिलो दिनमै सानिमा लाइफ इन्स्योरेन्स कम्पनीको सेयर मूल्यमा उछाल आएको छ ।
पहिलो दिन नै कम्पनीको सेयर मूल्यमा सकरात्मक सर्किट अर्थात १० प्रतिशतले वृद्धि भएको हो । कम्पनीको सेयर मूल्य प्रतिकित्ता ३० रुपैयाँ ९० पैसाले वृद्धि भई ३३९ रुपैयाँ ९० पैसा कायम भएको छ । बिहीबार कम्पनीको १ लाख ४० हजार रुपैयाँ बराबरको कारोबार भएको थियो ।
नेप्सेका अनुसार पहिलो कारोबार दिन कम्पनीको ४३३ कित्ता सेयर खरिदबिक्री भएको हो । नेप्सेले पहिलो कारोबारका लागि १०३ रुपैयाँ १७ पैसादेखि ३०९ रुपैयाँ ५१ पैसा ओपन रेञ्ज तोकेको थियो ।
बिहीवार कम्पनीको सेयर मूल्य प्रतिकित्ता ३०९ रुपैयाँ खुला भएको थियो । बजारमा अहिले यसको मूल्य कतिसम्म जाला भन्ने अनेक हल्ला चलिरहे पनि यकिन भने छैन ।
वि.सं.२०७८ भदौ १८ शुक्रवार १४:५३ मा प्रकाशित
