काठमाडौं । एक साताको अवधिमा वाणिज्य बैंकमा ४ अर्ब निक्षेप संकलन हुँदा २२ अर्ब रुपैयाँ कर्जा प्रवाह भएको छ ।
बैंकर्स संघका अनुसार वाणिज्य बैंकमा निक्षेप संकलन भन्दा कर्जाको माग निकै बढेको छ । संघका अनुसार एक साताको अवधिमा बैंकमा निक्षेप संकलन भन्दा कर्जाको माग अधिक देखिएको छ । भदौ १८ सम्म आईपुग्दा बैंकहरुले ४१ खर्ब २९ अर्ब निक्षेप संकलन गरेका छन् ।
भदौ ११ गतेसम्म बैंकहरुले ४१ खर्ब २५ अर्ब निक्षेप संकलन गरेका थिए । यो एक साताको अवधिमा बैंकमा जम्मा ४ अर्ब मात्रै निक्षेप थपिएको हो ।
यता कर्जा तर्फ हेर्दा एक सातामा नै २२ अर्बको माग रहेको छ । सोही अनुसार बैंकहरुले २२ अर्ब कर्जा लगानी गरेका छन् । भदौ १८ गतेसम्म बैंकहरुले ३८ खर्ब १९ अर्ब रुपैयाँ कर्जा प्रवाह गरेका छन् ।
भदौ ११ गतेसम्म बैंकहरुले ३७ अर्ब ९७ अर्ब रुपैयाँ कर्जा प्रवाह गरेका थिए । एक साताको अवधिमा कर्जा प्रवाह २२ अर्बले बढेको छ । कोरोना महामारी न्यून भएसँगै बैंकहरुमा कर्जाको माग निकै बढेको देखिएको छ । निक्षेप संकलन भने खुम्चदै गएको संघको तथ्याङकले देखाएको छ ।
वि.सं.२०७८ भदौ २१ सोमवार १७:१५ मा प्रकाशित