काठमाडौं । साताको दोस्रो कारोबार दिन सुनको मूल्यमा गिरावट आएको छ । सोमबार नेपाली बजारमा छापावाला सुनको मूल्य प्रतितोला १ सय रुपैयाँले घटेको हो ।
अघिल्लो दिन ९१ हजार ५ सय रुपैयाँमा कारोबार भएको सुन आज भने घटेर ९१ हजार ४ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका आजका लागि तेजावी सुनको मूल्य भने ९० हजार ९ सय रुपैयाँ निर्धारण गरेको छ । तेजावी सुन आइतबार ९१ हजार रुपैयाँमा खरिदबिक्री भएको थियो ।
यस्तै, उक्त दिन चाँदीको मूल्य भने स्थिर रहेको छ । अघिल्लो दिन प्रतिोला १ हजार २३० रुपैयाँमा खरिदबिक्री भएको चाँदी आज पनि सोही मूल्यमा कारोबार हुने महासंघले जनाएको छ ।
वि.सं.२०७८ भदौ २१ सोमवार १०:३८ मा प्रकाशित