काठमाडौं । मुक्तिनाथ विकास बैंकले संस्थापक समूहको सेयरमा आवेदन दिने आज अन्तिम दिन रहेको छ ।
साउन १९ गतेदेखि बैंकले बिक्रीमा ल्याएको संस्थापक समूहको १ लाख ५ हजार ४१ कित्ता सेयरमा आज बैंकिङ समयसम्म आवेदन दिन सकिने छ ।
सेयर खरिद गर्न इच्छुक बैंकका संस्थापक सेयरधनीहरु वा योग्य जो कोही व्यक्ति, कम्पनी, संघ संस्थाहरुले आवेदन दिन सक्नेछन् ।
उक्त सेयर खरिद गर्दा न्युनतम १ हजार कित्ताका लागि र अधिकतम सम्पूर्ण कित्ताका लागि आवेदन दिन सकिने बैंकले जनाएको छ ।
सेयरको न्युनतम मूल्य ३२५ रुपैयाँ तोकिएको छ । आवेदन दिदाँ उक्त मूल्य भन्दा बढी अंकित गरि दिनुपर्ने छ । बिक्री प्रबन्धकमा मुक्तिनाथ क्यापिटल लिमिटेड रहेको छ ।
वि.सं.२०७८ भदौ २१ सोमवार ११:०१ मा प्रकाशित
