काठमाडौं । कर नतिरेसम्म राधी विद्युत कम्पनीको बोनस सेयर फ्रिज हुने भएको छ । कम्पनीको ३६.५ प्रतिशत बोनस सेयर कर नतिरेसम्म फ्रिज हुने भएको हो ।
एक सूचना निकाल्दै कम्पनीले बोनस सेयर वापतको कर जम्मा नगरेसम्म बोनस सेयर फ्रिज हुने जानकारी गराएको छ ।
उक्त बोनस सेयर अफ्रिज गर्नका लागि सेयरधनीहरुले आफ्नो बोनस सेयर वापतको कर रकम कम्पनीको बैंक अफ काठमाण्डूको कमलपोखरीमा रहेको खाता नम्बर ०१०००००६३५१७५२४ मा जम्मा गर्न अनुरोध गरेको छ ।
साथै बैंक वा कनेक्ट आईपीएस लगायतका अन्य विद्युतीय माध्यम मार्फत कर बुझाउने सेयरधनीहरुले भौचर कम्पनीको इमेल [email protected] मा पठाउनुपर्नेछ ।
वि.सं.२०७८ भदौ २१ सोमवार ११:३२ मा प्रकाशित