काठमाडौं । आरएमडीसी लघुवित्त वित्तीय संस्थाको संस्थापक समूह तर्फको सेयर आजदेखि बिक्रीमा आएको छ । कम्पनीले एनआईसी एशिया बैंकको स्वामित्वमा रहेको ३ लाख ५ हजार ६५ कित्ता संस्थापक सेयर बिक्रीमा ल्याएको हो ।
उक्त सेयरको न्युनतम मूल्य प्रतिकित्ता ५४१ रुपैयाँ तोकिएको छ । उक्त सेयर खरिद गर्न योग्य इच्छुक विद्यमान संस्थापकहरु वा जो कोही व्यक्ति, कम्पनी, संघ/संस्थाहरुले भदौ ३१ गते कार्यालय सयमभित्र आवेदन दिन सकिने छ।
उक्त सेयर खरिद गर्दा तोकिएको मूल्य भन्दा बढी अंकित गरि न्युनतम १ हजार कित्ता र अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ ।
विद्यमान संस्थापकहरुलाई प्राथमिकता दिई यस भन्दा अगाडि नै कम्पनीले ३५ दिने सूचना प्रकाशित गरि सेको छ । बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ भदौ २१ सोमवार ११:५८ मा प्रकाशित
