काठमाडौं । केन्द्रीय अनुसन्धा ब्यूरो(सीआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ । सीआईबीले नुवाकोटको बेलकोटगढी नगरपालिका–१२ का ६५ बर्षीय शिवराम गजुरेललाई पक्राउ गरेको हो ।
उनी हाल काठमाडौं महानगरपापलिका वडा नम्बर १६ माछापोखरीमा बस्दै आएका थिए । गजुरेलले आफ्नो खातामा पर्याप्त मौज्दात रकम नभएको भन्ने जानी–जानी झुक्यानमा पारी चेक काटेर दिएका थिए ।
उनलाई उच्च अदालत पाटनले असार २८ गते बैंकिङ कसूरजन्य अपराध ठहर गरि बैंकिङ कसूर तथा सजाय ऐन २०६४ बमोजिम ७ दिन कैद र १३ लाख ५० हजार रुपैयाँ जरिवाना ठहर गरेको थियो ।
उनलाई आजै (भदौ २१ गते) बालाजु शेषमतीपुलबाट पक्राउ गरि फैसला कार्यान्वयनका लागि काठमाडौं जिल्ला अदालतमा पेश गरिएको सीआईबीले जनाएको छ ।
वि.सं.२०७८ भदौ २१ सोमवार १३:२० मा प्रकाशित