काठमाडौं । साताको दोस्रो कारोबार दिन सेयर बजारमा उछाल आएको छ । सोमबार बजार १६१.९४ अंकले वृद्धि भएको हो ।
उक्त दिन बजार परिसुचक २९८०.७९ अंकको बिन्दुमा पुगेर बन्द भएको छ ।
तर, कारोबार रकममा भने गिरावट आएको अघिल्लो दिन ११ अर्ब बढीको कारोबार भएको आज भने ९ अर्ब ८२ करोड ६२ लाख २२ हजार रुपैयाँ बराबरको कारोबार भएको छ ।
उक्त दिन सबै समूहमा हरियाली छाएको छ । उक्त दिन ४५ कम्पनीको सेयर मूल्यमा सकरात्मक सर्किट लागेको छ ।
सोमबार नेशनल हाइड्रोपावर,गोर्खाज फाइनान्स, श्री इन्भेष्टमेन्ट, सेन्ट्रल, समृद्धि, गुहेश्वरी मर्चेण्ट बैंक एण्ड फाइनान्स, एक्सेल डेभलपमेन्ट बैंक, एनटीसी, लुम्बिनी विकास बैंक, मितेरी डेभलपमेन्ट बैंक, गरिमा, ज्योति, कर्णाली, महालक्ष्मी, कामना सेवा, सांग्रिला, साइन रेसुङ्गा, मुक्तिनाथ,सिन्धु विकास बैंकको सेयर मूल्य १० प्रतिशतले वृद्धि भएको हो ।
यस्तै, रिलायन्स फाइनान्स, सानिमा माइ हाइड्रोपावर, बरुण हाइड्रोपावर, अपि पावर, एचआईडीसीएल, ङादी ग्रुप, ग्रीन डेभलपमेन्ट बैंक, दिव्याश्वरी हाइड्रोपावर लगायत ४५ कम्पनीको सेयर मूल्यमा आज सकरात्मक सर्किट लागेको हो ।
हेर्नुहोस, कुनको कति बढ्यो ?
वि.सं.२०७८ भदौ २१ सोमवार १५:२१ मा प्रकाशित