काठमाडौं । राष्ट्रियस्तरका विकास बैंकमा एक सातामा १ अर्ब ६६ करोड १४ लाख रुपैयाँ निक्षेप बढेको छ ।
विकास बैंकमा निक्षेप संकलन भन्दा पनि कर्जाको माग निकै बढेको छ । एक साताको अवधिमा राष्ट्रियस्तरका विकास बैंकले ३ अर्ब ३७ करोड ५३ लाख रुपैयाँले कर्जा लगानी बढेको छ ।
भदौ १८ गतेसम्म राष्ट्रिय स्तरका विकास बैंकहरुले ४ खर्ब १६ अर्ब ३७ करोड ९२ लाख रुपैयाँ निक्षेप संकलन गरेका छन् । यो अवधिमा बैंकहरुले कर्जा भने ३ खर्ब ६५ अर्ब ९१ करोड ३३ लाख रुपैयाँ प्रवाह गरेको तथ्याङकले देखाएको छ ।
एक साताको अवधिमा क्षेत्रीस्तरका विकास बैंकको निक्षेप संकलन २५ करोड २७ लाख रुपैयाँले घटेको छ । यता कर्जाको माग भने क्षेत्रीस्तरका विकास बैंकमा पनि निकै देखिएको छ । एक साताको अवधिमा क्षेत्रीस्तरका बैंकमा कर्जाको माग ३६ करोड ३३ लाख रुपैयाँले बढेको छ ।
कर्पोरेट डेभलपमेन्ट बैंक, साहारा विकास बैंक र साल्पा विकास बैंकको तथ्याङक भने राखिएको छैन । १० मध्ये ७ वटाको तथ्यांक अनुसार ७२ अर्ब १७ करोड रुपैयाँ निक्षेप संकलन भएर कर्जा भने ६७ अर्ब १७ करोड २५ लाख रुपैयाँ पुगेको छ ।
एक साताको अवधिमा १५ वटा बैंकको निक्षेप एक अर्ब ४० करोड ८६ लाख रुपैयाँले बढेर ४ खर्ब ८८ अर्ब ५४ करोड ९८ लाख रुपैयाँ पुगेको छ । यस्तै कर्जाको माग ३ अर्ब ७३ करोड ८६ लाख रुपैयाँले बढेर ४ खर्ब ३३ अर्ब ८ करोड ५८ लाख रुपैयाँ पुगेको छ ।
वि.सं.२०७८ भदौ २२ मंगलवार ११:३७ मा प्रकाशित