काठमाडौं । सिजी होल्डिंस्को अटोमोटिभ डिभिजन सिजी मोटोकर्पले ‘सुजुकी पर्वोत्सव’ ग्राहक योजना ल्याएको छ । यो सुजुकी कारको नेपालका लागि आधिकारिक बिक्रेता हो ।
नेपालमा सबैभन्दा बढी गाडीका मोडेलहरु बिक्री वितरण गर्दै आएको कम्पनीले दशै तिहार लक्षित उक्त योजना ल्याएको हो ।
उक्त योजनाअन्तर्गत ग्राहकले २ लाख बराबरको नगद छुट, १ लाख ५० हजार सम्म एक्सचेञ्ज बोनस, २० हजार लोयल्टी बोनस पाउने कम्पनीले जनाएको छ ।
साथै १ वर्षको सवारी बीमा र स्क्र्याच कार्डमार्फत ७५ हजार अतिरिक्त छुटको व्यवस्था रहेको बताइएको छ । सुजुकीका विभिन्न मोडलहरूका कारहरू बमोजिम फरक–फरक हिसाबका छुट लागू हुने कम्पनीले जनाएको छ ।
उक्त सुविधा सुजुकी गाडीको नेपालभरका ३८ वटै सोरुममा लागू हुनेछ । सुजुकी ब्रान्डले एस्प्रेसो, वागेन आर, इग्निस, स्विफ्ठ, बलेनो, डिजायर, सिआज, ब्रेज्जा, एस्क्रस, एर्टिगा, एक्स्एल सिक्स, इको, इको कार्गो र सुपर क्यारी लगायतका मोडेलहरु बिक्री वितरण गर्दै आएको छ ।
वि.सं.२०७८ भदौ २२ मंगलवार १२:५५ मा प्रकाशित