काठमाडौं । खल्तीले जाल्टनसँगको सहकार्यमा जापानी भाषा प्रवीणता परीक्षणको आवेदन फारम शुल्क खल्तीबाट सजिलै भुक्तानी गर्न सकिने व्यवस्था गरेको छ ।
विगतका वर्षहरुमा परीक्षा शुल्क तिर्ने अन्य विकल्प नहुँदा परीक्षार्थीहरु जाल्टनको कार्यालय भृकुटिमण्डप नै पुगेर घन्टौँ लाईन बसी शुल्क तिर्ने झन्झट गर्नु पर्दथ्यो । अब त्यो हटेको छ ।
यो समस्यालाई मध्यनजर गर्दै खल्तीले अनलाईन भुक्तानी प्रणालीको व्यवस्था गरेको जनाएको छ । जाल्टनका अध्यक्ष पूर्ण काजी प्रजापति र खल्ती वालेटका प्रबन्धक जोनाम भुर्तेलले सम्झौता पत्रमा हस्ताक्षर गरेका छन् ।
जेएलपीटी जापानी भाषा सम्बन्धि ज्ञान परीक्षण गर्ने अन्तराष्ट्रिय संस्था हो । जेएलपीटीमा एन १, एन२, एन३, , एन४, एन५ गरी जम्मा ५ वटा तहहरु रहेका छन् ।
यी मध्ये आवेदकले आफुलाई उपयुक्त लागेको कुनै एक तह छनौट गरी भाषा परीक्षा दिन सक्नेछन् । साथै जेएलपीटी को आवेदन फारम यसको आधिकारीक वेबसाइट अनलाइनबाट भरी पेमेन्ट विकल्पको रुपमा खल्ती छनौट गरी तुरुन्त भुक्तानी गर्न सकिन्छ ।
आवेदन फारम शुल्क ३ हजार रहेको छ । फारम भदौ २२ देखि असोज २ गतेसम्म भर्न सकिने छ । ५ डिसेम्बर २०२१ मा संचालन हुने उक्त परीक्षामा उत्तीर्ण भई छनौट हुने १००० जनाले रोजगारको लागि जापान जान पाउनेछन् ।
वि.सं.२०७८ भदौ २२ मंगलवार १६:३५ मा प्रकाशित