काठमाडौं । एक वर्षको अवधिमा सुनको मूल्य ह्वात्तै घटेको छ । नेपाली बजारमा छापावला सुनको मूल्य प्रतितोला ५ हजार रुपैयाँ बढीले घटेको हो ।
नेपाल सुनचाँदी व्यवसायी महासंघका अनुसार गत वर्षको भदौ २३ गत र यस वर्षको सोही दिनको तुलनामा सुनको मूल्य प्रतितोला ५ हजार १ सय रुपैयाँले घटेको छ ।
गत वर्षको भदौ २३ गते ९५ हजार ८ सय रुपैयाँमा कारोबार भएको छापावाला सुनको मूल्य यस वर्षको सोही दिन अर्थात आज भदौ २३ सम्म आईपुग्दा ९० हजार ७ सय रुपैयाँ कायम भएको हो ।
यस्तै, सोही अवधि( गत वर्षको भदौ २३ गते देखि यस वर्षको सोही दिन) मा चाँदीको मूल्य पनि घटेको देखिएको छ । उक्त अवधिमा चाँदीको मूल्य प्रतितोला ९० रुपैयाँले घटेको हो ।
गत वर्षको भदौ २३ गते १ हजार ३१० रुपैयाँमा कारोबार भएको चाँदी यस वर्षको सोही दिनसम्म आईपुग्दा १ हजार २२० रुपैयाँ कायम भएको छ ।
वि.सं.२०७८ भदौ २३ बुधवार ०९:५९ मा प्रकाशित