काठमाडौं । राष्ट्र बैंकले २ अर्ब ६५ करोड रुपैयाँ लगानी गर्ने भएको छ । बैंकको कर्मचारी सुरक्षण कोष/उपदान तथा पेन्सन कोषमा रहेको रकम लगानी गर्ने भएको हो ।
कुल लगानी योग्य रकम मध्ये आउँदो असोज १ गतेदेखि एक वर्षका लागि मुद्दती निक्षेपको रुपमा लिन चाहेको रकम खोली बैंकमा भदौ २३ गते साँझ ५ बजेभित्र व्याजदर प्रस्ताव गर्न बैंक तथा वित्तीय संस्थालाई आह्वान गरेको छ ।
राष्ट्र बैंकले ‘क’ वर्गको वाणिज्य बैंकमा २ अर्ब १२ करोड, ‘ख’ वर्गका राष्ट्रिष्य स्तरका विकास बैंकमा ३९ करोड ७५ लाख र ‘ग’ वर्गका राष्ट्रिय स्तरका वित्त कम्पनीमा १३ करोड २५ लाख रुपैयाँ लगानी गर्न लागेको हो ।
विस्तृतका लागि हेर्नुहोस्, सूचना:
वि.सं.२०७८ भदौ २३ बुधवार १४:३६ मा प्रकाशित