back
Mega Long Ad

अनसनको धम्कीले पनि देखिएन सेयर बजारमा सुधार: ६२ अंकले घट्यो, झनै खुम्चियो कारोबार रकम

काठमाडौं । सेयर बजारमा आज पनि भारी अंकको गिरावट आएको छ । बुधबार बजार ६०.०२ अंकले घटेको हो । बजार परिसुचक पनि १८७६.५९ अंकको बिन्दुमा पुगेर बन्द भएको छ ।

उक्त दिन कारोबार रकममा पनि गिरावट खाएको छ । अघिल्लो दिन ७ अर्ब ४९ करोड ५८ लाख १२ हजार रुपैयाँ बराबरको कारोबार भएकोमा आज भने ६ अर्ब ६४ करोड ६६ लाख २३ हजार रुपैयाँ बराबरको सेयर कारोबार भएको छ ।

राष्ट्र बैंकले मौद्रिक नीतिमार्फत एक बैंक तथा वित्तीय संस्थाबाट ४ करोड रुपैयाँ र एक व्यक्तिले बढीमा १२ करोड रुपैयाँमात्रै सेयर धितोमा कर्जा लिन पाउने गरेको व्यवस्थाले गर्दा यतिबेला बजारमा निकै असर देखिएको छ ।

आइतबार बजार १०८ अंकले घट्यो । ५ प्रतिशतको नकारात्मक सर्किट लागेपछि बजार बन्द भयो । सोमबार लगानीकर्ताले गभर्नर महाप्रसाद अधिकारीको विरुद्धमा विरोध र्याली समेत गरेको थिए ।

त्यसपश्चात सोमबार नै अर्थमन्त्री जनार्दन शर्माले पुँजी बजारमा देखिएको पछिल्लो परिस्थितिलाई सहज बनाउन गभर्नर अधिकारीलाई आग्रह गर्नुभयो । उहाँले कहाँ के सुधार गर्नुपर्ने हो त्यो गरेर पुँजी बजारको समस्या समाधान गर्न गभर्नरलाई भन्नु भएको थियो । गभर्नर अधिकारीले पनि आवश्यक प्रक्रिया मिलाई परिस्थिति सहज बनाउन प्रयास गर्ने प्रतिवद्धता जनाउनुभएको छ । फलस्वरुप बजार १६२ अंकले बढेको थियो ।

तर, राष्ट्र बैंकले ल्याएको मौद्रिक नीति तीन महिना अघि संशोधन गर्न नमिल्ने धारणा सार्वजनिक गरेको छ । जसको असर बजारमा पुनः परेको देखिएको छ । सोमबार मन्त्रीले गभर्नरलाई गरेको फोनका कारण बढेको बजार मंगलबार राष्ट्र बैंकको धारणाले गर्दा पुन घटेको छ ।

यता, सेयर लगानीकर्ताले आज (बुधबार) देखि २९ गतेसम्म माइतिघर मण्डलामा दैनिक २ घन्टा रिले अनसन बस्ने भएका छन् । पुँजी बजार सुधार सङ्घर्ष समितीले आजदेखि माइतीघरमा ३ देखी ५ बजेसम्म रिले अनसन बस्न लागेको लागेको जनाएको छ ।

पछिल्लो समय सुरु भएको आन्दोलनको नेतृत्वकर्ता दिपेन्द्र अग्रवालका अनुसार बुधबार दिउँसो ३ देखी ५ बजेसम्म मण्डलामा रिलेअनसन हुने छ । पहिलो चरणमा भदौ २९ गतेसम्म रिले अनसन गर्ने उहाँको भनाई छ ।

उक्त अवधिमा राष्ट्र बैंक समक्ष बुझाएका १८ बुँदे माग पुरा नगरेको खण्डमा २९ गतेपछि आमरण अनसन बस्ने तयारीमा संघर्ष समिति रहेको छ । त्यसको लागि भने स्थान तय भएको छैन । समितिले सोमबार नेपाल राष्ट्र बैंकका प्रवक्ता देव कुमार ढकाललाई १८ बुँदे मागसहितको ज्ञापनपत्र बुझाएको छ ।

राष्ट्र बैंकले मौद्रिक नीतिमार्फत एक बैंक तथा वित्तीय संस्थाबाट ४ करोड रुपैयाँ र एक व्यक्तिले बढीमा १२ करोड रुपैयाँमात्रै सेयर धितोमा कर्जा लिन पाउने गरेको व्यवस्थापछि लगानीकर्ता त्यसको विरोध गर्दै आन्दोलित बनेका छन् ।

वि.सं.२०७८ भदौ २३ बुधवार १५:०३ मा प्रकाशित

You can share this post!

कुमारी बैंकका दुई सेयरधनीले बिक्री गर्दै सेयर, कसको कति कित्ता ?

कुमारी बैंकका दुई सेयरधनीले बिक्री गर्दै सेयर, कसको कति कित्ता ?

वि.सं.२०७८ असोज ५ मंगलवार ११:३०

काठमाडौं । कुमारी बैंकले संस्थापक सेयर बिक्री गर्न लागेको छ...

अर्थको प्रष्टिकरणः सम्पति शुद्धीकरण, आतंकवादी क्रियाकलाप, भ्रष्टाचारमा छुट दिँदैनौ

अर्थको प्रष्टिकरणः सम्पति शुद्धीकरण, आतंकवादी क्रियाकलाप, भ्रष्टाचारमा छुट दिँदैनौ

वि.सं.२०७८ असोज ५ मंगलवार ११:१८

काठमाडौं । अर्थ मन्त्रालयले सम्पति शुद्धीकरण, आतंकवादी क्रियाकलाप, भ्रष्टाचार वा...

फेरि बढ्यो सुनचाँदीको मूल्य, प्रतितोला कति पुग्यो ?

फेरि बढ्यो सुनचाँदीको मूल्य, प्रतितोला कति पुग्यो ?

वि.सं.२०७८ असोज ५ मंगलवार ११:१०

काठमाडौं । मंगलबार सुनको मूल्य वृद्धि भएको छ । आज...

प्रि-ओपनिङमा ४.८२ अंकले घट्यो सेयर बजार

प्रि-ओपनिङमा ४.८२ अंकले घट्यो सेयर बजार

वि.सं.२०७८ असोज ५ मंगलवार १०:५७

काठमाडौं । मंगलबार प्रि-ओपनिङमा सेयर बजार ४.८२ अंकले घटेको छ...

बागमतीमा प्रहरीको समायोजन तत्काल गर्न मन्त्री शाक्यको संघीय सरकारलाई आग्रह

बागमतीमा प्रहरीको समायोजन तत्काल गर्न मन्त्री शाक्यको संघीय सरकारलाई आग्रह

वि.सं.२०७८ असोज ५ मंगलवार १०:५०

काठमाडौँ । बागमती प्रदेशका आन्तरिक मामिला तथा कानुन मन्त्री डा....

इन्फ्रास्ट्रकचर बैंकले कति घोषणा गर्यो नगद लाभांश ?

इन्फ्रास्ट्रकचर बैंकले कति घोषणा गर्यो नगद लाभांश ?

वि.सं.२०७८ असोज ५ मंगलवार १०:३७

काठमाडौं । नेपाल इन्फ्रास्ट्रकचर बैंकले सेयरधनीहरुलाई नगद लाभांश दिने भएको...