काठमाडौं । सेयर बजारमा आज पनि भारी अंकको गिरावट आएको छ । बुधबार बजार ६०.०२ अंकले घटेको हो ।बजार परिसुचक पनि १८७६.५९ अंकको बिन्दुमा पुगेर बन्द भएको छ ।
उक्त दिन कारोबार रकममा पनि गिरावट आएको छ । अघिल्लो दिन ७ अर्ब ४९ करोड ५८ लाख १२ हजार रुपैयाँ बराबरको कारोबार भएकोमा आज भने ६ अर्ब ६४ करोड ६६ लाख २३ हजार रुपैयाँ बराबरको सेयर कारोबार भएको छ ।
उक्त दिन लाइफ इन्स्योरेन्स कम्पनीको सेयर मूल्य ६.०६ प्रतिशतले घटेको छ । कम्पनीको सेयर मूल्य आज प्रतिकित्ता १२९ रुपैयाँले घटेर २ हजार रुपैयाँ कायम भएको छ ।
बुधवार गुडविल फाइनान्सको ५.४७ प्रतिशत, एनआईबिएल समृद्धि फण्ड–१ को ५.३३ प्रतिशत, सिभिल लघुवित्त वित्तीय संस्थाको ५.२९ र गुहेश्वरी मर्चेण्ट बैंक एण्ड फाइनान्सको ५ प्रतिशतले सेयर मूल्यमा गिरावट आएको छ ।
उक्त दिन यी कम्पनीहरुसहित पोखरा फाइनान्स, नेपाल फाइनान्स, सांग्रिला डेभलपमेन्ट बैंक, एभरेष्ट इन्स्योरेन्स, छ्याङ्दी हाइड्रोपावर, बेष्ट फाइनान्स, हिमालय उर्जा विकास कम्पनी, प्रिमियर इन्स्योरेन्स, प्रोग्रेसिभ फाइनान्स लगायतका लगानीकर्ताहरुले गुमाएका छन् ।
वि.सं.२०७८ भदौ २३ बुधवार १५:३८ मा प्रकाशित
