काठमाडौं । सिड्स धादिङले कोरोना महामारी नियन्त्रण तथा उपचारका लागि स्वास्थ्य उपकरण तथा सामग्री हस्तान्तरण गरेको छ ।
कोरोना उपचारमा सक्रिय संस्थाले थाक्रे गाउँपालिकालाई बुधवार विभिन्न स्वास्थ्य उपकरण तथा सामग्री हस्तान्तरण गरेको हो ।
सिड्स धादिङको आयोजना सस्थागत विकास सञ्जालको साझेदारी र ब्रोट फर द वल्र्डको आर्थिक सहयोगमा सञ्चालित विकासका लागि साझेदारी परियोजना मार्फत अक्सीजन ग्यास सिलिन्डर १२ वटा, रेगुलेटर १२ थान, सिटामोल ३० हजार चक्की, मेट्रोनिडाजोल २० हजार चक्की, जिवन जल ४ हजार पाकेट, भिटामिन बि र सि ४० हजार , सेनिटाईजर २५ लिटर सहित ३० हजार माक्क हस्तान्तरण गरेको हो ।
बिश्व महामारीको रुपमा फैलिरहेको कोरोना रोकथाम र उपचारका लागि सरकारले गरिरहेको क्रियाकलापलाई नागरिकको तर्फबाट योगदान गुर्नपर्छ र यसका लागि क्रियाशिल समाजिक सस्थाको भुमिका अझै वढी जिम्मेवार र महत्वपूर्ण रहने भएकोले आज एक कार्यक्रम बिच कोरोना महाविपत्तिमा अभावको रुपमा देखिएको समस्यालाई सहजता प्रदान गर्न उक्त सामग्री वितरण गरिएको हो ।
सोही अवसरमा सिड्स सस्थाका कार्यकारी निर्देशक गोकर्ण रुपाखेतीले यस अवस्थामा सस्थाले कोरोनावाट कोहि पनि विचलित हुन नपरोस भनेर सहयोग गरेको बताउनुभयो । उहाँले पालिकाले गरेको बिरामी घरमा अक्सीजन सेवालाई टेवा पुर्याई सबै नागरिकमा सहज आपूर्तिको लागि योगदान गर्न साझेदार सस्थाको हिसावले सामाग्री उपलब्ध गराईएको स्पष्ट पार्नु भएको थियो ।
सोहि अवसरमा जिल्ला समन्वय समिति सदस्य उर्मिला रेग्मीले सिड्स र सञ्जालले लक्षित वर्गमा सञ्चालित कार्यक्रवाट सो वर्गको कोरोना जोखिमलाई कम गर्न यस्तो सहयोग निरन्तर गरिरहेको मा धन्यवाद दिनु भएको थियो ।
यस्तै, पालिका प्रमुख प्रशासकिय अधिकृत वलराम लम्सालले सिड्स धादिङले यस अगाडी पनि सर्जिकद वेड सहितको औषधि उपलब्ध गराएर थाक्रे गाऊँ पालिकालाई ठुलो योगदान गरेको उल्लेख गुर्नभयो ।
उहाँले अक्सीजन सिलिन्डर सहितका सामाग्री उपलब्ध गराएर जनताको मनोवल उच्च राख्न पालिकाको उपचार सेवालाई प्रभावकारी वनाउन खेलेको भुमिका प्रति आभार व्यक्त गर्नुभयो । साथै यसको सहि प्रयोगमा गाऊँ पालिका सधै सचेत र क्रियाशिल रहने प्रतिवद्धता व्यक्त गर्नु भएको थियो ।
वि.सं.२०७८ भदौ २३ बुधवार १६:४४ मा प्रकाशित
