काठमाडौं । चन्द्रज्योती एकिकृत ग्रामिण विकास समाज (सिड्स) नेपाल धादिङले शैक्षिक सामग्री प्रदान गरेको छ । सिड्सले धादिङको थाक्रे गाउँपालिकाका ६१ जनालाई बालबालिकालाई वार्षिक शैक्षिक सामाग्री सहयोग गरेको हो ।
सिड्सद्धारा युनाईटेड मिसन टु नेपाल धादिङको साझेदारीमा सञ्चालित एसभीसी परियोजना मार्फत उक्त सामग्री सहयोग गरिएको हो ।
थाक्रे गाउँपालिकाको ५ वटा वडामा सञ्चालन भएको जोखिममा रहेका बालबालिकालाई सुरक्षा परियोजनाले कार्यक्षेत्रका विद्यालयहरुमा शैक्षिक सामाग्री सहयोग गरेको बताएको छ ।
उक्त परियोजना थाक्रे गाउँपालिका अन्र्तगत वडा नं. २, ४, ५, ६ र ११ मा सञ्चालन रहेको छ । उक्त परियोजनाले बालअधिकार, बालसंरक्षण समुदाय र विद्यालयमा बालबालिकाको संरक्षण वा अधिकार स्थापित गर्नको लागि समुदायमा समुहहरु तथा समुदायमा बाल क्लबहरु गठन, विद्यालयहरुमा बाल क्लब गठन गर्दै आएको छ ।
साथै वडा स्तर र गाउँपालिका स्तरको बालक्लब संजाल विस्तार र बालविवाह, बालश्रम, बालबालिका बेचबिखन, बाल दुब्र्यवहार लगायतका बालबालिका माथि हुने हिंसा लाई न्युनिकरण र शिक्षालाई निरन्तरता गर्नका लागि विभिन्न कार्यक्रमहरु सञ्चालन गर्दै आएको छ ।
वि.सं.२०७८ भदौ २३ बुधवार १७:५० मा प्रकाशित