काठमाडौं । नेपाली नारीहरुको महान चाड हरितालिका तीजकै दिन सुनको मल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला १ सय रुपैयाँले घटेको हो ।
अघिल्लो दिन ९० हजार ७ सय रुपैयाँमा कारोबार भएको सुन आज घटेर ९० हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
साताको पाँचौ कारोबार दिन तेजावी सुनको मूल्य भने ९० हजार १ सय रुयैयाँ निर्धारण भएको महासंघले जनाएको छ । अघिल्लो दिन ९० हजार २ सय रुपैयाँमा खरिदबिक्री भएको थियो ।
यस्तै, आज चाँदीको मूल्यमा पनि गिरावट आएको छ । चाँदी बिहीवार प्रतितोला १० रुपैयाँले घटेर १ हजार २१० रुपैयाँ कायम भएको छ । अघिल्लो दिन १ हजार २२० रुपैयाँमा खरिदबिक्री भएको थियो ।
वि.सं.२०७८ भदौ २४ बिहीवार १०:४८ मा प्रकाशित