काठमाडौं । महालेखा नियन्त्रक कार्यालयले बिहीबार (आज) देखि लागू हुने गरी शनिबारसम्मको लागि तलबभत्ता बाहेकका शिर्षकमा बजेट निकासा नगर्न मातहतका कार्यालयलाई निर्देशन दिएको छ ।
कार्यालयका अनुसार चालु आर्थिक वर्ष २०७८-०७९ को बजेटबाट तलब, भत्ता, निवृत्तभरण बाहेक कनुै पनि रकम निकासा नगर्न मातहतका कार्यालयलाई निर्देशन दिएको
हो ।
महालेखा नियन्त्रकको कार्यालयले पत्राचार गर्दै बिहीबार (आज) देखी २६ गते सोमबारसम्म तलब, भत्ता, निवृत्तभरण बाहेक कुनै पनि बजेट निकासा नगर्न निर्देशन दिएको छ ।
यसको लागि महालेखा नियन्त्रक कार्यालयले कोष तथा लेखा नियन्त्रक कार्यालय, प्रदेश लेखा नियन्त्रक कार्यालय र प्रदेश इकाइ कार्यालयलाई पत्र लेख्दै यस्तो निर्देशन दिएको हो ।
कार्यालयका अनुसार शनिबारसम्म तलब, भत्ता, निवृत्तभरण बाहेकका कामममा बजेट निकासा भइ बजेटमा भएको परिवर्तनबाट खर्च गर्न नमिल्ने भएमा सम्बिन्धित निकासा माग गर्ने र निकासा गर्ने अधिकारी नै जिम्मेवार हुने जनाएको छ ।
कार्यालयका सूचना अधिकारी कृष्ण पुडासैनीका अनुसार अघिल्लो सरकारले अध्यादेशबाट ल्याएको बजेटलाई परिवर्तन गरी अहिलेको सरकारले प्रतिस्थापन विद्येयक ल्याउन लागेको कारण तीन दिनको लागि बजेट निकासा रोक्न निर्देशन दिएको हो ।
उहाँका अनुसार खर्च प्रणाली व्यवस्थित होस र खर्च र लेखाङकन तलमाथी नहोस भनेर नै यो निर्देशन जारी भएको हो । यसले सरकारले प्रतिस्थापन विद्येयकमा ल्याउने विवरण एकथरी हुने र खर्चको विवरण अर्को भएर तालमेल नमिल्ने अवस्था नहुने उहाँको भनाई छ ।
वि.सं.२०७८ भदौ २४ बिहीवार १३:१६ मा प्रकाशित
