काठमाडौं । साताको अन्तिम कारोबार दिन बिहीबार सेयर बजार स्थिर बनेको छ । निकै उतार चढावकाबीच पनि बजार स्थिर देखिएको हो ।
इन्ट्रा डे कारोबारमा २९१२.३८ अंकसम्म सम्म पुगेको बजारमा केही समयमा नै गिरावट सुरु भयो । अन्तिम समयमा बजार मापन गर्ने सूचक ०.६२ अंकले घटेर २८७५.९८ बिन्दुमा रोकिएको छ । कारोबारमा ठूला कम्पनीको कारोबार मापन गर्ने सेन्सेटिभ इन्डेक्स १.५३ अंकले घटेर ५३५.२९ बिन्दुमा रोकिएको छ । बिहीबार २३० कम्पनीको १ करोड ४४ लाख ७४ हजार ८५५ कित्ता सेयर ७ अर्ब ५ करोड ७ लाख ७० हजार रुपैयाँको सेयर किनबेच भएको छ ।
कारोबारमा अधिकांश समूहको उपसूचकमा गिरावट आएको छ । कारोबारमा बैंकिङ समुहको उपसूचक २.१७, विकास बैंक १२.०१, फाइनान्स ३६.४३, उत्पादन तथा प्रशोधन २१.७२, अन्य २२.५१, माइक्रोफाइनान्स १७.८८ अंकले घट्दा जलविद्युत समूहको ६२.७५, जीवन बीमा समूहको उपसूचक ५९.३८ अंकले बढेको छ । कारोबारमा जलविद्युत कम्पनी र जीवन बीमा समूहको उपसूचकमा लगानीकर्ताको आकर्षण देखिएको छ ।
कारोबार रकमको आधारमा रिडी हाईड्रोपावर डेभलपमेन्ट कम्पनी अग्रस्थानमा रहेको छ । कम्पनीको ४९ करोड ३९ लाख ४९ हजार २२३ रुपैयाँको कारोबार भएको छ । दोस्रो र तेस्रोमा अरुण भ्याली हाईड्रोपावर कम्पनी र रैराङ हाईड्रोपावर डेभलपमेन्ट कम्पनी रहेको छ ।
वि.सं.२०७८ भदौ २४ बिहीवार १५:१३ मा प्रकाशित
