काठमाडौं । हाथवे इन्भेष्टमेन्ट नेपालको स्वामित्वमा रहेको दुई बैंक र एक फाइनान्स कम्पनीको लिलामी सेयरमा आवेदन दिने आइतबार अन्तिम मौका रहेको छ ।
कम्पनीको आफ्नो स्वामित्वमा रहेको सेञ्चुरी कमर्सियल बैंकको २ लाख ५ हजार ५१३ कित्ता, मञ्जुश्री फाइनान्सको ९५ हजार ९५५ कित्ता र कामना सेवा विकास बैंकको २ लाख ५० हजार ४६६ कित्ता संस्थापक सेयर लिलामीमा बिक्री गर्न लागेको हो ।
यी तीनै वटा कम्पनीको न्युनतम सेयर मूल्य क्रमशः १५०, ३५० र २५० रुपैयाँ तोकिएको छ । उक्त सेयर खरिद गर्न इच्छुक योग्य विद्यमान संस्थापक वा अन्य व्यक्ति, कम्पनी, संघ/संस्थाहरुले आवेदन दिन सक्नेछन् । आवेदन भदौ २७ गते कार्यालय समयभित्र दिनुपर्ने कम्पनीले जनाएको छ ।
उक्त सेयरि खरिदका लागि बोलकबोल गर्दा न्युनतम तोकिएको मूल्य भन्दा बढी अंकित गरि न्युनतम ५ हजार कित्ता र अधिकतम सम्पूर्ण कित्ताका लागि आवेदन दिन सकिने छ ।
कम्पनीको बिक्री प्रबन्धकमा ग्लोबल आईएमई क्यापिटल लिमिटेड रहेको छ ।
वि.सं.२०७८ भदौ २५ शुक्रवार १४:२२ मा प्रकाशित