काठमाडौं । सांसद प्रेम सुवालले अर्थमन्त्री जनार्दन शर्मालाई कसको स्वार्थमा लागेर गभर्नर महाप्रसाद अधिकारीलाई फोन गरेर सेयरको मूल्य बढाउन लगाएको भन्दै प्रश्न गर्नु भएको छ ।
प्रतिनिधिसभाको शुक्रबारको बैठकमा उहाँले यस्तो प्रश्न गर्नु भएको हो । मन्त्री शर्माले कहिले ३७ लाख कारोबारीमा १०० जनाले मात्रै नाफा कमाउने भन्दै हिडने भनेर बोल्नु भयो । फेरी ३७ लाख लगानीकर्तालाई असर पर्ने गरी गभर्नरलाई फोन सेयर सेयर मूल्य किन बढाउनु भयो ? भन्दै प्रश्न गर्नु भएको छ ।
‘कसको स्वार्थको लागि फोन गर्नु भयो । सिटामोल नपाएका मजदुरले किनेको सेयर होर फोन गर्नु भएको ?’ भन्दै थप प्रश्न गर्नु भएको छ । उहाँले आर्थिक घोटाला भएको विषयमा सरकारले जानकारी गराउनै पर्ने बताउनुभयो ।
जवाफमा अर्थमन्त्री शर्माले गभर्नरलाई मूल्य बढाउन वा घटाउन फोन नगरेको जानकारी गराउनु भयो । उहाँले आन्तरिक रुपमा धितोपत्र बोर्डका अध्यक्ष र नेप्सेका सिइओले गरेको घोटालाको विषयमा मन्त्रिपरिषदले निर्णय गरेर उच्च अदालतको न्यायाधिशको संयोजकत्वमा छानविन भइरहेको बनाउनु भयो ।
वि.सं.२०७८ भदौ २५ शुक्रवार १४:२३ मा प्रकाशित
