काठमाडौं । सरकारले पुँजी बजारमा वित्तीय सुशासन कायम गरी सर्वसाधारण लगानीकर्ताको हित संरक्षण गर्ने भएको छ ।
अर्थमन्त्री जनार्दन शर्माले अर्थ सम्बन्धी अध्यादेशलाई प्रतिस्थापन गर्ने विद्येयक प्रस्तुत गर्दै उक्त कुरा जनाउनु भएको हो ।
उहाँका अनुसार सरकारको मातहत रहेका सम्भाव्य सार्वजनिक संस्थाहरुलाई आवश्यकता अनुसार पूर्ण सरकारी स्वामित्वका कम्पनी मोडलमा रुपान्तरण गरी पुँजी बजारमा सूचिकृत गर्दै आत्मनिर्भर र लगानीको थप स्रोत जुटाउन सक्षम बनाउँदै लैजाने नीति लिने उल्लेख छ।
निरन्तर घाटामा गएका सार्वजनिक संस्थाहरुलाई संरचनागत र व्यवस्थापकीय सुधार गरी सञ्चालन गर्ने, खारेजी गर्ने वा अन्य उपयुक्त विधिबाट व्यवस्थाप गर्ने नीति लिने पनि विद्येयकमा उल्लेख छ ।
वि.सं.२०७८ भदौ २५ शुक्रवार १७:१६ मा प्रकाशित
