काठमाडौं । साताको दोस्रो कारोबार दिन सुनको मूल्य वृद्धि भएको छ । सोमबार नेपाली बजारमा छापावाला सुनको मूल्य प्रतितोला ३ सय रुपैयाँले वृद्धि भएको हो ।
अघिल्लो दिन ९० हजार ३०० रुपैयाँमा कारोबार भएको सुन आज बढेर ९० हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
आजका लागि तेजावी सुनको मूल्य भने ९० हजार १०० रुपैयाँ कायम भएको छ । अघिल्लो दिन अर्थात आइतबार ८९ हजार ८०० रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज प्रतितोला ५ रुपैयाँले वृद्धि भई १ हजार २०० रुपैयाँ निर्धारण भएको छ । अघिल्लो दिन १ हजार १९५ रुपैयाँमा खरिदबिक्री भएको महासंघले जनाएको छ ।
वि.सं.२०७८ भदौ २८ सोमवार १०:५३ मा प्रकाशित