काठमाडौं । गोर्खाज फाइनान्सको स्थगित साधारणसभा असोज १८ गते सोमबार हुने भएको छ ।
विभिन्न कारणले यसअघि स्थगित भएको सभा भोतिक उपस्थिति तथा भर्चुअल माध्यम मार्फत एकेसाथ संचालन गर्ने लागेको हो ।
सभामा संस्थाको प्रबन्धपत्र, नियमावली सम्बन्धमा नियमनकारी निकायबाट आवश्यक हेरफेर गर्ने निर्देश भएमा सोही बमोजिम गर्न संचालक समितिलाई अख्तियारी दिन विशेष प्रस्ताव लैजाँदै छ ।
आर्थिक वर्ष २०७६/७७ को संचालक समितिको प्रतिवेदन उपर छलफल तथा पारित, लेखापरीक्षकको प्रतिवेदनसहित २०७७ असार मसान्तको वासलात तथा २०७६ साउन १ गतेदेखि २०७८ असार मसान्तसम्मको नाफा नोक्सान हिसाव र सोही अवधिको नगद प्रवाह विवरण लगायत वित्तीय विवरण उपर छलफल तथा पारित गर्नेछ ।
आव २०७७/७८ को लेखापरीक्षक नियुक्ति र पारिश्रमिक निर्धारण साथै संस्थापक समूहबाट ३ जना र सर्वसाधारण समूहबाट ३ समेत गरि ६ जना संचालकहरुको निर्वाचन गर्नेछ ।
वि.सं.२०७८ भदौ २८ सोमवार १२:२७ मा प्रकाशित
