काठमाडौं । सिटिजन्स बैंक इन्टरनेशनलले तयारी अवस्थामा रहेको शाखा कार्यालयहरुमा बिक्रीमा राखेको छ ।
एक सूचना निकाल्दै बैंकले विभिन्न जिल्लाका शाखा कार्यालयहरु बिक्री गर्न लागेको जनाएको छ ।
बैंकका शाखा कार्यालयहरु अन्यत्र स्थानमा स्थानान्तरण गर्न लागेकाले कार्यालयहरुका आन्तरिक सजावट तथा स्थिर सम्पत्तिहरु यथास्थितिमा बिक्री गर्न लागेको हो ।
बैंकले बुटवल शाखा, नारायणगढ, भुमही, घोराही र टाँढी शाखा कार्यालय बिक्री गर्न लागेको जनाएको छ।
बैंक तथा वित्तीय संस्था, बीमा कम्पनी, सहकारी संस्था तथा अन्य कार्यालय प्रयोजनका लागि उपयुक्त तयारी अवस्थामा रहेको कार्यालय खरिद गर्न इच्छुक संघ÷संस्थाले प्रस्ताव पेश गर्न सक्नेछन् ।
प्रस्ताव पेश गर्दा खरिद गर्न चाहेको मूल्य सहित बैंकको मुख्य कर्पोरेट कार्यालय, सामान्य सेवा विभागमा ७ दिनभित्र गर्नुपर्नेछ ।
वि.सं.२०७८ भदौ २८ सोमवार १२:४२ मा प्रकाशित
