काठमाडौं । नेपाल राष्ट्र बैंकका वाणिज्य बैंकहरुले साउन महिनामा ६ अर्ब ३१ करोड १० लाख रुपैयाँ नाफा आर्जन गरेका छन् ।
राष्ट्र बैंकका अनुसार चालु आर्थिक वर्ष २०७८-७९ को पहिलो महिनामा २७ वटा बैंकले उक्त नाफा आर्जन गरेका छन् । यसमा नेपाल बैंकको नाफा समावेश गरिएको छैन ।
एक महिनाको अवधिमा सबैभन्दा बढी नबिल बैंकले ६१ करोड ९ लाख रुपैयाँ नाफा आर्जन गरेको छ । नबिल बैंकपछि धेरै नाफा कमाउनेमा ग्लोबल आईएमई रहेको छ । बैंकको नाफा ४८ करोड ४६ लाख रुपैयाँ रहेको छ भने तेस्रोमा रहेको एनआईसी एसिया बैंकको नाफा ४१ करोड ३ लाख रुपैयाँ रहेको छ ।
राष्ट्र बैंकका अनुसार सबैभन्दा थोरै नाफा कमाउने बैंकमा राष्ट्रिय वाणिज्य बैंक रहेको छ । वाणिज्य बैंकको नाफा ७ करोड २२ लाख रुपैयाँ रहेको छ । यस्तै सेञ्चुरी कमर्शियल बैंकको ७ करोड ३० लाख र बैंक अफ काठमाण्डूको ९ करोड ३७ लाख रुपैयाँ नाफा आर्जन गरेको छ । १० करोड बढी २० करोड नाफा ७ वटा बैंकको रहेको छ भने २० देखि ३० करोडसम्म नाफा कमाउनेमा १० वटा बैंक रहेका छन् ।
वि.सं.२०७८ भदौ २८ सोमवार १६:०७ मा प्रकाशित