काठमाडौं । नवील म्युचुअल फण्ड अन्तर्गत सञ्चालन हुने बन्दमुखी योजना ‘नवील ब्यालेन्सड् फण्ड-३’ मा माग भन्दा बढी आवेदन परेको छ ।
प्रति इकाई १० रुपैयाँको दरले १० करोड इकाई मध्ये न्यूनतम १ करोड ५० लाख वा कुल बिक्री भएको इकाई संख्याको न्युनतम १४ प्रतिशत इकाई कोष प्रवद्र्धक नवील बैंक र १ प्रतिशत योजना व्यवस्थापक नबिल इन्भेष्टमेन्ट बैंकिङ्ग लिमिटेडलाई छुट्याएको छ ।
बाँकी रहेको ८ करोड ५० लाख इकाईमा सार्वजनिक निष्काशन गरेको तीन दिनमै माग भन्दा बढि इकाई खरीदका लागि आवेदन प्राप्त भएको जनाएको छ ।
फण्ड–३ मा १ लाख ४ हजार ७७९ आवेदकबाट करिब १२ करोड ६२ लाख ५५ हजार ४० रुपैयाँ बराबरको आवेदन परेको छ । जुन माग भन्दा २५ प्रतिशतले बढी आवेदन परेको छ । उक्त फण्डमा भोलि (मंगलबार) सम्म आवेदन दिन सकिने छ ।
वि.सं.२०७८ भदौ २८ सोमवार १८:३३ मा प्रकाशित