काठमाडौं । कर्णाली प्रदेशमा पर्यटक आगमन संख्या ९४.४६ प्रतिशतले घटेको छ ।
नेपाल राष्ट्र बैंकले गरेको आर्थिक वर्ष २०७७-०७८ को प्रथम अर्धबार्षिक अध्ययन प्रतिवेदन अनुसार कर्णाली प्रदेशमा पर्यटक आगमन संख्या ९४.४६ प्रतिशतले घटेर १ हजार पुगेको छ । गत वर्षको सोही अवधिमा पर्यटक आगमन संख्या ५८.११ प्रतिशतले घटेर १८ हजार ३८ पुगेको थियो ।
लकडाउन तथा बन्दाबन्दी रहेकोले पर्यटकको आगमनमा कमी आएको अध्ययनले देखाएको छ । प्रदेशमा पर्यटकस्तरीय होटल तथा लजको संख्या ६.४३ प्रतिशतले घटेको छ भने होटल शैया संख्या १२.७३ प्रतिशतले बढेको छ ।
वि.सं.२०७८ भदौ २८ सोमवार १९:०३ मा प्रकाशित