काठमाडौं । नेपाली बजारमा सुनको मूल्यमा भारी गिरावट आएको छ । एक वर्षको अवधिमा छापावाला सुनको मूल्य ६ हजार बढी रकमले सस्तिएको हो ।
नेपाल सुनचाँदी व्यवसायी महासंघका अनुसार गत वर्षको भदौ २९ गते र यस वर्षको सोही दिनको तुलनामा छापावाला सुनको मूल्य ६ हजार ३ सय रुपैयाँले घटेको हो ।
गत वर्षको भदौ २९ गते ९६ हजार ९ सय रुपैयाँमा कारोबार भएको सुनको भाउ यस वर्षको सोही दिनसम्म आईपुग्दा भने ९० हजार ६ सय रुपैयाँ कायम भएको छ ।
यस्तै, उक्त अवधिमा चाँदीको मूल्य पनि घटेको देखिएको छ । एक वर्षको अवधिमा चाँदीको मूल्य प्रतितोला १२० रुपैयाँले घटेको हो ।
गत वर्षको भदौ २९ गते १ हजार ३२० रुपैयाँमा कारोबार भएको चाँदी यसवर्षको सोही दिनसम्म आईपुग्दा भने १ हजार २ सय रुपैयाँमा झरेको छ ।
वि.सं.२०७८ भदौ २९ मंगलवार ११:०७ मा प्रकाशित