काठमाडौं । राष्ट्रियस्तरका विकास बैंकमा एक सातामा ९८ करोड २१ लाख रुपैयाँ निक्षेप बढेको छ ।
अघिल्लो साता राष्ट्रियस्तरका विकास बैंकमा १ अर्ब ६६ करोड १४ लाख रुपैयाँ निक्षेप हुँदा ३ अर्ब ३७ करोड ५३ लाख रुपैयाँले कर्जा लगानी बढाएका थिए । यो साता कर्जाको तुलनामा निक्षेपको माग घटेको छ । कर्जाको माग पनि केही घटेको देखिएको छ ।
विकास बैंकमा निक्षेप संकलन भन्दा पनि कर्जाको माग निकै बढेको छ । एक साताको अवधिमा राष्ट्रियस्तरका विकास बैंकले २ अर्ब ८९ करोड १६ लाख रुपैयाँले कर्जा लगानी बढाएका छन् ।
भदौ २५ गतेसम्म राष्ट्रिय स्तरका विकास बैंकहरुले ४ खर्ब १७ अर्ब ३६ करोड १४ लाख रुपैयाँ निक्षेप संकलन गरेका छन् । यो अवधिमा बैंकहरुले कर्जा भने ३ खर्ब ६८ अर्ब ८० करोड ५० लाख रुपैयाँ प्रवाह गरेको तथ्याङकले देखाएको छ ।
एक साताको अवधिमा क्षेत्रीस्तरका विकास बैंकको निक्षेप संकलन २५ करोड २५ लाख रुपैयाँले घटेको छ । यता कर्जाको माग भने क्षेत्रीस्तरका विकास बैंकमा पनि निकै देखिएको छ । एक साताको अवधिमा क्षेत्रीस्तरका बैंकमा कर्जाको माग २५ करोड ८२ लाख रुपैयाँले बढेको छ ।
कर्पोरेट डेभलपमेन्ट बैंक, साहारा विकास बैंक र साल्पा विकास बैंकको तथ्याङक भने राखिएको छैन । १० मध्ये ७ वटाको तथ्यांक अनुसार ७१ अर्ब ९१ करोड ९८ लाख रुपैयाँ निक्षेप संकलन भएर कर्जा लगानी भने ६७ अर्ब ४३ करोड रुपैयाँ पुगेको छ ।
एक साताको अवधिमा १५ वटा बैंकको निक्षेप ७३ करोड १४ लाख रुपैयाँले बढेर ४ खर्ब ८९ अर्ब २८ करोड १२ लाख रुपैयाँ पुगेको छ । यस्तै कर्जाको माग ३ अर्ब १४ करोड ९९ लाख रुपैयाँले बढेर ४ खर्ब ३६ अर्ब २३ करोड ५७ लाख रुपैयाँ पुगेको छ ।
वि.सं.२०७८ भदौ २९ मंगलवार ११:४१ मा प्रकाशित
