काठमाडौं । नेपाल बंगलादेश क्यापिटल लिमिटेडले वार्षिक साधारणसभाका लागि मिति तय गरेको छ । क्यापिटलले आउँद असोज १८ गते सोमबार तेस्रो वार्षिक साधारणसभा गर्ने भएको हो ।
सभाले संचालक समितिबाट प्रस्ताव गरे अनुसार आर्थिक वर्ष २०७७/७८ सम्मको संचित मुनाफाबाट कम्पनीको सेयरधनीहरुलाई २०७८ असार मसान्तमा कायम चुक्तापुँजीको १९ प्रतिशत लाभांश वितरण गर्ने प्रस्ताव पारित गर्नेछ ।
साथै आर्थिक वर्ष २०७७/७८ को संचालक समितिको प्रतिवेदन उपर छलफल गरि पारित, लेखापरीक्षकको प्रतिवेदन सहितको २०७८ असार ३१ मा समाप्त भएको आवको वासलात तथा सोही मितिमा समाप्त भएको नाफा नोक्सान हिसाव तथा नगद प्रवाह उपर छलफल गरि पारित गर्नेछ ।
उक्त सभामा कम्पनीको प्रबन्धपत्र तथा नियमावलीमा आवश्यक संशोधन गर्ने विशेष प्रस्ताव लैजाँदैछ ।
वि.सं.२०७८ भदौ २९ मंगलवार १२:१० मा प्रकाशित
