काठमाडौं । अर्थमन्त्रालयले नेपाल धितोपत्र बोर्डमा निमित्तको जिम्मेवारी कार्यकारी निर्देशक निरज गिरीलाई दिइएको छ ।
सोमबार अर्थ मन्त्रालयले गिरीलाई बोर्डको दैनिक प्रशासनिक कार्य सञ्चालन गर्ने गरी निमित्तको जिम्मेवारी दिएको छ ।
सर्वोत्तम सिमेन्ट प्रकरणमा मुछिएका बोर्डका अध्यक्ष भिष्मराज ढुंगानालाई भदौ १६ गते बसेको मन्त्रिपरिषद बैठकले निलम्बन गरेर छानविन सुरु गरेको छ । त्यसयता कसैलाई पनि जिम्मेवारी दिइएको थिएन । सोमबार दैनिक कार्य सञ्चालन गर्न सक्नेगरी गिरीलाई जिम्मेजारी दिएको हो ।
अध्यक्ष ढुंगाना सर्वोत्तम सिमेन्ट प्रकरण्मा मुछिएपछि उच्च अदालतका पूर्वन्यायाधीश अनन्तराज डुम्रेको अध्यक्षतामा तीन सदस्यीय छानविन समिति गठन भएको छ । डुम्रेका साथै विज्ञ सदस्य नारायण प्रसाद पौडेल र नेपाल कानून आयोगका सहसचिव अर्जुनकुमार खड्काले अहिले छानविन गरिरहेको बताइएको छ । अर्थ मन्त्रालय स्रोतका अनुसार छानविन अन्तिम चरणमा पुगेको छ ।
वि.सं.२०७८ भदौ २९ मंगलवार १४:०३ मा प्रकाशित