काठमाडौं । सेयर बजारमा दोहोरो अंकको गिरावट देखिएको छ । बजारसँगै कारोबार रकम पनि निकै घट्न थालेको छ ।
पछिल्लो समय बजारमा आएको गिरावट र कारोबार रकमले पनि बजार निकै सुस्ताएको देखिन थालेको छ । राष्ट्र बैंकले मौद्रिक नीतिमार्फत एक बैंक तथा वित्तीय संस्थाबाट ४ करोड रुपैयाँ र एक व्यक्तिले बढीमा १२ करोड रुपैयाँमात्रै सेयर धितोमा कर्जा लिन पाउने गरेको व्यवस्था गरेको छ । अहिले यसैलाई हतियार बनाएर बजार घटाउने काममा केही लगानीकर्ता लागेको चर्चा पनि सुरु भएको छ ।
पछिल्लो समयमा सरकारी निकायबाट हुने गरेको विभिन्न गतिविधिका कारण बजार सुस्ताउन थालेको चर्चा सुरु भएको छ । बजार मापन गर्ने सूचक १८.५४ अंकले घटेर परिसूचक २९२९.२९ बिन्दुमा रोकिएको छ ।
२२२ कम्पनीको १ करोड ६ लाख ३९ हजार ८२६ कित्ता सेयर ५ अर्ब १९ करोड ५२ लाख ९५ हजार ४४३ रुपैयाँको सेयर किनबेच भएको छ ।
कारोबारमा सबै समूहको उपसूचकमा गिरावट देखिएको छ । बैंकिङ समूहको ४.१, विकास बैंक ६६.८४, जलविद्युत ३०.८३, वित्त कम्पनी २६.६७, निर्जीबन बीमा २७७.८६, उत्पादन तथा प्रशोधन ६७.३९, माइक्रोफाइनान्स २८.६२, जीवन बीमा समूहको उपसूचक १४४.६८ अंकले घटेको छ ।
वि.सं.२०७८ भदौ २९ मंगलवार १५:३१ मा प्रकाशित
