काठमाडौं । ज्योति विकास बैंकको संस्थापक सेयर भोलिदेखि बिक्री गर्ने भएको छ । बैंकले संस्थापक समूह तर्फको १ लाख ८१ हजार ४७० कित्ता सेयर बिक्री गर्न लागेको हो ।
उक्त सेयरको न्युनतम मूल्य प्रतिकित्ता १८५ रुपैयाँ तोकिएको छ । उक्त सेयर खरिद गर्न योग्य इच्छुक विद्यमान संस्थापक वा जो कोही व्यक्ति, कम्पनी, संघ/संस्थाहरुले आवेदन दिन सक्नेछन् ।
आवेदन कात्तिक ३ गते भित्र बिक्री प्रबन्धक एनआईबिएल एस क्यापिटल लिमिटेड काठमाडौंमा आईपुग्ने गरि प्रतिकित्ता के कति दर रेटमा लिन कबुल गर्ने हो विभिन्न शर्तहरुको अधिनमा रहि गोप्य शिलबन्दी बोलपत्र पेश गर्न सकिनेछ ।
सेयर खरिदका लागि बोलकबोल गर्दा न्युनतम १ हजार कित्ताका लागि र अधिकतम सेयर संख्याका कुनै हद नलाग्ने बैंकले जनाएको छ ।
वि.सं.२०७८ भदौ ३० बुधवार १२:३८ मा प्रकाशित
