काठमाडौं । ओरिएण्टल इन्स्योरेन्स कम्पनीले गत आथिर्क वर्ष २०७७÷७८ को चौथो त्रैमासिक वित्तीय अवस्था सार्वजनिक गरेको छ ।
उक्त अवधिमा कम्नपीले २६ करोड ३० लाख ३७ हजार रुपैइाँ नाफा कमाएको छ । कम्पनीको नाफा अघिल्लो आर्थिक वर्षको सोही अवधिको तुलनामा ६०.५९ प्रतिशतले कमी हो ।
अघिल्लो आवको चौथो त्रैमासमा कम्पनीले ६६ करोड ७४ लाख ७९ हजार रुपैयाँ नाफा आर्जन गरेको थियो ।
कम्पनीले उक्त अवधिमा १ अर्ब १७ करोड २९ लाख ६१ हजार रुपैयाँ कुल बीमा शुल्क आर्जन गरेको छ ।
गत आवमा कम्पनीले ६८ करोड ७८ लाख ३१ हजार रुपैयाँ कुल दावी भुक्तानी गरेको छ । सोही अवधिमा भुक्तानी हुन बाँकी दावी रकम भने ८४ करोड ११ लाख ५५ हजार रुपैयाँ देखिएको छ ।
कम्पनीले सार्वजनिक गरेको वित्तीय विवरणमा चुक्ता पुँजी भने उल्लेख गरेको छैन । जगेडा तथा कोषमा भने १३ करोड ९८ लाख ६६ हजार रुपैयाँ राखेको छ ।
कम्पनीले बीमा कोषमा भने ९७ करोड ८६ लाख ९२ हजार रुपैयाँ राखेको छ ।
वि.सं.२०७८ भदौ ३० बुधवार १४:३९ मा प्रकाशित