काठमाडौं । बुधवार सेयर बजारमा दोहोरो अंकको गिरावट आएको छ । उक्त दिन बजार ४०.२६ अंकले घटेको हो ।
साताको चौथो कारोबार दिन बजार परिसुचक पनि २८८९.०३ अंकको बिन्दुमा पुगेर बन्द भएको छ । आज कारोबार रकम पनि भारी गिरावट आएको छ ।
उक्त दिन ५ अर्ब ३५ करोड ८० लाख ९७ हजार रुपैयाँ बराबरको कारोबार भएको हो । नेपाल स्टक एक्सचेञ्ज(नेप्से)का अनुसार आज १ करोड ५ लाख ५७ हजार ८६६ कित्ता सेयर किनबेच भएको छ । आज सबै समूह राताम्मे बनेका छन् ।
उक्त दिन तीन कम्पनीको सर्वाधिक कारोबार भएको छ । आज सबैभन्दा बढी अरुण भ्याली हाइड्रोपावरको २२ करोड १४ लाख ७० हजार रुपैयाँ बराबरको सेयर कारोबार भएको हो ।
कारोबार कै आधारमा दोस्रो स्थानमा रहेको सानिमा लाइफको १७ करोड २ लाख ७ हजार रुपैयाँ बराबरको सेयर खरिदबिक्री भएको छ ।
यस्तै, तेस्रो स्थानमा रहेको आईसीएफसी फाइनान्सको १५ करोड ३८ लाख १३ हजार रुपैयाँ बराबरको सेयर किनबेच भएको छ ।
वि.सं.२०७८ भदौ ३० बुधवार १५:२२ मा प्रकाशित