काठमाडौं । प्रुडेन्सियल क्यापिटल म्यानेजमेन्ट कम्पनीले चार कम्पनीको संस्थापक सेयर आजदेखि लिलामीमा ल्याएको छ । कम्पनीले आफ्नो स्वामित्वमा रहेको संस्थापक सेयर लिलामीमा ल्याएको हो ।
कम्पनीले प्रभु बैंक, नेशनल लाइफ इन्स्योरेन्स, नेपाल ग्रामिण विकास लघुवित्त वित्तीय संस्था र प्राइम कमर्शियल बैंकमा रहेको संस्थापक सेयर लिलामी मार्फत बिक्री गर्न लागेको हो ।
जसमध्ये न्युनतम मूल्य २०५ रुपैयाँ रहेको प्रभु बैंकको ५० हजार कित्ता, नेशनल लाइफको न्युनतम मूल्य ४२१ रुपैयाँ तोकिएको १ लाख कित्ता, न्यनुतम ४ सय रुपैयाँ मूल्य रहेको नेपाल ग्रामिण विकासको ३५ हजार र २०८ रुपैयाँ न्युनतम मूल्य तोकिएको प्राइम बैंकको १ लाख कित्ता रहेको छ ।
यी चार वटै कम्पनीको सेयर खरिद गर्न इच्छुक योग्य विद्यमान संस्थापक वा जो कोही व्यक्ति, कम्पनी, संघ, संस्थाहरुले असोज ८ गते कार्यालय समयभित्र गोप्य शिलबन्दी बोलपत्र आवेदन पेश गर्न सक्नेछन् ।
उक्त सेयर खरिदका लागि सबै कम्पनीको तोकिएको न्युनतम मूल्य भन्दा बढी अंकित गरि नयुनत २ हजार कित्ताका लागि र अधिकतम सेयर संख्याको कुनै हद नलाग्ने कम्पनीले जनाएको छ ।
बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ भदौ ३१ बिहीवार १०:५८ मा प्रकाशित