काठमाडौं । बिहीवार सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला ७ सय रुपैयाँले घटेको छ ।
अघिल्लो कारोबार दिन ९१ हजार २ सय रुपैयाँमा कारोबार भएको सुन आज घटेर ९० हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य भने ९० हजार रुपैयाँ निर्धारण गरिएको छ । अघिल्लो दिन ९० हजार ७ सय रुपैयाँमा खरिदबिक्री भएको थियो ।
यस्तै, साताको पाँचौ कारोबार दिन चाँदीको मूल्य भने स्थिर रहेको छ । चाँदीको भाउ पछिल्लो चार कारोबार दिनमा स्थिर नै रहेको छ ।
महासंघका अनुसार अघिल्लो दिन प्रतितोला १ हजार २ सय रुपैयाँमा कारोबार भएको चाँदी आज पनि सोही मूल्य कायम भएको जनाएको छ ।
वि.सं.२०७८ भदौ ३१ बिहीवार ११:१५ मा प्रकाशित
