काठमाडौं । भोलि सामलिङ्ग पावर कम्पनीको आईपीओमा आवेदन दिने अन्तिम दिन रहेको छ ।
कम्पनीले भदौ १८ गतेदेखि ५ करोेड रुपैयाँ बराबरको आईपीओ निष्काशन तथा बिक्री खुला गरेको हो । उक्त आईपीओ असोज १ गते अर्थात भोलिसम्म आवेदन दिन सकिने कम्पनीले जनाएको छ ।
कम्पनीले इलाम जिल्लाका आयोजना प्रभावित क्षेत्रका बासिन्दाहरुलाई ५ लाख कित्ता सेयर निष्काशन तथा बिक्री खुला गरेको छ ।
कुल सेयरमध्ये ३ लाख कित्ता आयोजना प्रभावित इलामका बासिन्दा र बाँकी २ लाख कित्ता आयोजना अति प्रभावित क्षेत्र इलाम नगरपालिका–८ र १०, माइजोममाई गाउँपालिका–४ र ५ का बासिन्दाहरुका लागि निष्काशन गर्न लागेको हो ।
उक्त आईपीओमा न्युनतम १० कित्ता र अधिकतम २० हजार कित्तासम्मका लागि आवेदन दिन सकिने कम्पनीले जनाएको छ । बिक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ ।
आईपीओमा सि–आस्वा, नेपाल एसबिआई बैंक, एनएमबि बैंक, सिद्धार्थ बैंक, सिभिल बैंक र लक्ष्मी बैंकका ईलाम शाखा कार्यालयबाट आवेदन दिन सकिनेछ ।
वि.सं.२०७८ भदौ ३१ बिहीवार १६:३४ मा प्रकाशित