काठमाडौं । एशियन लाइफ इन्स्योरेन्स कम्पनीले व्यतित बीमालेखमा ब्याज छुट दिएको छ ।
एक सूचना निकाल्दै कम्पनीले विभिन्न अवधिको व्यतित बीमालेखमा ब्याज छुट गरिएको जनाएको छ ।
कम्पनीबाट जारी गरिएको बीमालेख अन्तर्गत २०८९ भदौ मसान्तसम्म बीमाशुल्क भुक्तानी गर्नुपर्ने मितिले ६ महिना नाघेका (पूर्ण व्यतित भएका) बीमालेखहरु असोज १ गतेदेखि कात्तिक १५ गते भित्र पुर्नजागरण गराउने बीमीतहरुलाई लाग्ने ब्याजमा ५० प्रतिशत छुट प्रदान गर्ने भएको हो ।
कम्पनीका अनुसार २ वर्ष भन्दा बढी समय व्यतित भएका बीमालेखहरुको हकमा भने यो सुविधा लागू हुने छैन ।
एक पट ब्याज छुट प्रदान गरिएको बीमालेखमा बीमा अवधि भर पुनः ब्याज छुट नगरिने कम्पनीले जनाएको छ ।
असोज १ गतेदेखि पूर्व कुनै व्यतित बीमालेख अन्तर्गत ब्याज छुट प्रदान गरिएको भएमा त्यस्तो बीमालेखहरुलाई समेत पहिलो पटक मानि ब्याज छुट गरिने र त्यपछि बीमा अवधिभर भने यो सुविधा प्रदान नगरिने कम्पनीले जनाएको छ ।
वि.सं.२०७८ असोज १ शुक्रवार ११:११ मा प्रकाशित