काठमाडौं । असोज महिनाको पहिलो कारोबार दिन सुनको मूल्यमा भारी गिरावट आएको छ । आज एकैदिन छापाला सुनको मूल्य प्रतितोला १ हजार ४ सय रुपैयाँले घटेको हो ।
नेपाली बजारमा अघिल्लो कारोबार दिन ९० हजार ५ सय रुपैयाँमा कारोबार भएको सुनको मूल्य आज घटेर ८९ हजार १ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य ८८ हजार ६५० रुपैयाँ निर्धारण भएको छ । अघल्लिो दिन ९० हजार रुपैयाँ कारोबार भएको थियो ।
यस्तै, शुक्रवार चाँदीको मूल्यमा पनि गिरावट आएको छ । आज प्रतितोला ३० रुपैयाँले घटेर १ हजार १७० रुपैयाँ कायम भएको छ । अघिल्लो दिन १ हजार २ सय रुपैयाँमा खरिदबिक्री भएको थियो ।
वि.सं.२०७८ असोज १ शुक्रवार ११:५५ मा प्रकाशित