काठमाडौं । ऊर्जा, जलस्रोत तथा सिँचाइमन्त्री पम्फा भुसालले ऊर्जा, कृषि, पर्यटनलगायत क्षेत्रमा लगानी गर्न संयुक्त अरब इमिरेट (युएई) लाई आग्रह गर्नु भएको छ ।
उहाँले यी क्षेत्रमा लगानीको लागि उपयुक्त अवसर रहेको भन्दै यूएईका इच्छुक लगानीकर्तालाई लगानी गर्न आग्रह गर्नु भएको हो । युएई का राजदूत सईद हम्दन अल–न्वाबीबीच भेटवार्ता यस्तो आग्रह गर्नु भएको हो ।
भेटमा राजदूत अल–न्वाबीले आफ्नो कार्यकालमा द्विपक्षीय व्यापार विस्तार हुनुका साथै आपसी सम्बन्ध विस्तारमा थप योगदान पुगेको बताउनुभयो । उहाँले अगामी नेभेम्बर १५–१८ मा अबुधावीमा हुने ‘इन्टरनेसनल पेट्रोलियम एक्जिविसन एन्ड कन्फ्रेरेन्स’मा सहभागी हुन आग्रह गर्नुभयो । सो अवसरमा राजदूत अल–न्वाबीले मन्त्री भुसालले युएयी सरकारको निमन्त्रणापत्र हस्तान्तरण गर्नुभयो ।
मन्त्री भुसालले आफ्नो सहभागिताबारे परराष्ट्र मन्त्रालयमार्फत जानकारी पठाउने बताउनुभयो । त्यस अवसरमा मन्त्री भुसालले रोजगारीका सिलसिलामा दुई लाखभन्दा बढी नेपालीले युएयीमा रहेको र उनीहरूले सम्मानजनक सुविधा पाउने विश्वास व्यक्त गर्नुभयो ।
उहाँले कोभिड–१९ महामारी पनि त्यहाँ रहेका नेपालीलाई रेखदेख गरेको भन्दै मन्त्री भुसालले युएयी सरकारप्रति धन्यवाद व्यक्त गर्नुभयो ।
वि.सं.२०७८ असोज १ शुक्रवार १४:२६ मा प्रकाशित
