काठमाडौं । अर्थमन्त्री जनार्दन शर्माले अघिल्लो सरकारले बजेटमा राखेका १४१० वटा सडक आयोजना रोक्ने निर्णय गर्नु भएको छ ।
उहाँले प्रतिस्थापन विधेयक ल्याएर देशभरका १४१० वटा सडक निर्माणको काम रोक्नु भएको हो ।मन्त्री शर्माले ल्याएको प्रतिस्थापन विधेयकबाट निवर्तमान अर्थमन्त्री बिष्णु पौडेलले ल्याएको अध्यादेशको बजेटमा भएको सडक रोक्नु भएको हो ।
अर्थमन्त्री शर्माले प्रतिस्थापन विधेयकमा ‘आर्थिक प्राविधिक दृष्टिकोणबाट अध्ययन नभएका र पूर्व तयारी नभएका प्रदेश तथा स्थानीय तहबाट कार्यान्वयन गर्न सकिने प्रकृतिका करिब १४ सय सडक आयोजना आवश्यकता र औचित्यको आधारमा खारेजी वा प्रदेश तथा स्थानीय तहमा हस्तान्तरण गर्ने गरी हाल त्यस्ता आयोजनाको कार्यान्वयन स्थगित गरिएको छ’ भन्ने उल्लेख गर्नु भएको छ ।
अघिल्लो सरकारका अर्थमन्त्री पौडेलले उक्त सडक आयोजनाका लागि ३ अर्ब ४९ करोड ७० लाख रुपैयाँ बजेट छुट्याउनु भएको थियो । यस्तै तराई मधेश सडक पूर्वाधार विशेष कार्यक्रम अन्तर्गत ६१७ सडक आयोजनाको लागि लागि १ अर्ब ५४ करोड ९६ लाख रुपैयाँ बजेट छुट्याउनु भएको थियो । उक्त सडक बर्तमान सरकारले रोकेको छ ।
यी हुन् अर्थमन्त्री शर्माले रोकेको देशभरका १४१० सडक आयोजना
वि.सं.२०७८ असोज १ शुक्रवार १४:४२ मा प्रकाशित