काठमाडौं । प्रभु क्यापिटल लिमिटेडले साधारणसभाका लागि मिति तय गरेको छ ।
कम्पनीको भदौ २० गते बसेको संचालक समितिको बैठकको निर्णयअनुसार असोज १६ गते सभा गर्ने भएको हो ।
उक्त दिन हुने कम्पनीको १३औं वार्षिक साधारणसभाले आर्थिक वर्ष २०७७/७८ मा प्राप्त मुनाफाबाट कर सहित १७.६१ प्रतिशत नगद लाभांश पारित गर्नेछ ।
साथै जम्मा चुक्ता पुँजीको २२.३८८५ प्रतिशत बोनस सेयर वितरण गर्ने छ । बोनस सेयर वितरणका कारण क्यापिटलको अधिकृत, जारी तथा चुक्ता पुँजी वृद्धि सम्बन्धी प्रस्ताव उपर छलफल गरि पारित गर्ने विशेष प्रस्ताव रहेको छ ।
सभाले संचालक समितिको तर्फबाट अध्यक्षको आव २०७७/७८को प्रतिवेदन उपर छलफल तथा पारित लगायतका प्रस्ताव पारित गर्ने कम्पनीले जनाएको छ ।
वि.सं.२०७८ असोज ३ आइतवार १०:५७ मा प्रकाशित