काठमाडौं । महुली लघुवित्त वित्तीय संस्थाले संस्थापक सेयर बिक्री गर्ने भएको छ । कम्पनीका ४ जना संस्थापक सेयरधनीहरुले आफ्नो नाममा रहेको संस्थापक सेयर बिक्री गर्न लागेका हुन् ।
कम्पनीका संस्थापक सेयरधनी रमेश प्रसाद न्यौपानेको २ हजार कित्ता, हश्चिन्द्र सिन्हाको ५ हजार कित्ता र रामानन्द चौधरी थारुको नाममा रहेको २ हजार ५ सय कित्ता संस्थापक सेयर आजदेखि बिक्री खुला भएको हो ।
उक्त सेयर खरिद गर्न इच्छुक विद्यमान संस्थापक सेयरधनीहरुले भदौ २५ गतेदेखि यताको ३५ दिन भित्र आवश्यक कागजात प्रमाण संलग्न गरि आवेदन दिन सक्नेछन् । सेयर मूल्य भने बिक्रैताले तोके बमोजिम हुने सूचनामा उल्लेख छ ।
तोकिएको म्यादभित्र संस्थापक सेयरधनीहरुको आवेदन नपरेमा प्रचलित कानुन बमोजिम अन्य व्यक्ति वा संस्थालाई बिक्री गरिने कम्पनीले जनाएको छ ।
वि.सं.२०७८ असोज ३ आइतवार १४:५५ मा प्रकाशित