काठमाडौं । खाद्यका लागि कृषि अभियानले मलको दीर्घकालिन समाधान खोज्न, रसायन र विषादिको दुष्परिणाम घटाउँदै जान ध्यानाकर्षण गराएको छ ।
एक विज्ञप्ति जारी गर्दै अभियानले माटोमा भएको जैविक तत्व र पोषण बढाउने तर्फ ख्याल गर्नका लागि अनुरोध गरेको छ ।
खासगरी, आम किसानको खेतीपातीलाई नभै नहुने मल समेतको उचित बन्दोबस्त नभएको अभियानले जनाएको छ । विज्ञप्तिमा भनिएको छ,-‘उहिलेदेखि अहिले सम्मका सरकारले घातक भए पनि न रसायनिक मलको बन्दोबस्त गर्न सके,न त्यसको सकिने विकल्प खोज्न तिर लागे । किसान अहिले यताका न उताका भएका छन् । हामी जैविक प्रकृयाको सङ्क्रमणकालीन बन्दोबस्त गर्न आवश्यक रहेको कुरा प्रति जिम्मेवारीपूर्वक सचेष्ट छौं । जैविक दिशामा जानुको विकल्प छैन । यही मात्र दीर्घकालीन समाधान हो ।’
आम जनसमु्दायको तत्काल खानेकुराको बन्दोबस्त गर्ने र घरव्यवहारमा समेत अकल्पनीय प्रभाव पार्ने किसानका लागि समयमै मल नपाउने कुरा कुनै बहानामा क्षम्य नहुने खाद्यका लागि कृषि अभियानका संयोजक उद्यव अधिकारीले बताउनुभयो ।
यस्तो महत्वपुर्ण सवलामा समेत सम्बन्धित जिम्मेबार संस्था व्यक्तिले समयमै चासो नदिनु सरकारको निकम्मापन र अक्षमताको परकाष्ठा भएको उहाँले बताउनुभयो ।
‘हामी सरकार र सरोकोरवालालाइ यस कुराको ख्याल गर्दै मलको दीर्घकालिन समाधान खोज्न, रसायन र विषादिको दुष्परिणाम घटाउदै जान, माटोमा भएको जैविक तत्व र पोषण बढाउने तर्फ ख्याल गर्न आग्रह गन चाहान्छौ । यसतर्फ समयमै सचेत हुन सरकारलाईर यो सवाल उठाएरदवाब दिन आम जनसमुदायलाई यसै ध्यानाकर्षण पत्र मार्फत हार्दिक अनुरोध गर्न चाहन्छौ’- विज्ञप्तिमा भनिएको छ ।
वि.सं.२०७८ असोज ४ सोमवार १०:४८ मा प्रकाशित