काठमाडौं । वडा दशैंको अवसरमा राष्ट्र बैंकले आजदेखि नयाँ तथा सुकिला नोट सटही सुविधा प्रदान गर्ने भएको छ ।
कोरोना संक्रमण जोखिमलाई समेत दृष्टिगत गरि काठमाडौं उपत्याकाभित्र राष्ट्र बैंकबाट इजाजतप्राप्त वाणिज्य बैंकहरुले तोकिएका शाखा कार्यालय मार्फत नयाँ नोट सटही गर्न पाइने भएको हो ।
साथै वाणिज्य बैंकले तोकेको नजिकको शाखा कार्यालयमा गई नोट सटही गर्न सकिने सूचनामा उल्लेख छ ।
काठमाडौं उपत्यका बाहिरको हकमा राष्ट्र बैंकको प्रदेशस्थित कार्यालय वा वाणिज्य बेंकले तोकेको नतिकको शाखा कार्यालयबाट नोट साट्न सकिने बैंकले जनाएको छ ।
नोट सटहीका लागि जाँदा सरकार र स्थानीय प्रशासनले तोकेका स्वास्थ्य मापदण्ड तथा सामाजिक दुरीका पूर्ण पालना गर्न बैंकले अनुरोध गरेको छ ।
नेपाल राष्ट्र बैंकले यो वर्षको दशैँमा ३५ अर्ब रुपैयाँ बराबरका नयाँ नोट बजारमा पठाउने भएको छ । प्रतिव्यक्ति १८ हजार ५ सय रुपैयाँसम्म सटही सुविधा पाइनेछ ।
राष्ट्र बैंकले ५, १०, २०, ५० र १ सय रुपैयाँका प्रतिबन्डलसम्म सटही हुने गरी यो सुविधा मिलाएको जनाएको छ ।
वि.सं.२०७८ असोज ४ सोमवार ११:५२ मा प्रकाशित
