काठमाडौं । कुमारी बैंकले संस्थापक सेयर बिक्री गर्न लागेको छ । बैंकका २ संस्थापक सेयरधनीले आफ्नो नाममा रहेको संस्थापक सेयर बिक्री लागेका हुन् ।
संस्थापक सेयरधनी अन्जन कुमार मौडेल र सुनिल कुमार रेग्मीको आफ्नो नाम रहेको क्रमशः १० हजार ८५७ कित्ता र ३ हजार १७ कित्ता सेयर बिक्रीमा ल्याएको हो ।
उक्त सेयर खरिद गर्न इच्छुक विद्यमान संस्थापक सेयरधनीहरु आजैका मितिदेखि ३५ दिनभित्र आवेदन दिन सक्नेछन् ।
सेयरको बिक्री मूल्य भने बिक्रेताले तोके बमोजिम हुने बैंकले जनाएको छ । तोकिको म्यादभित्र विद्यमान संस्थापकहरुबाट आवेदन नपरेमा संस्थापक भन्दा बाहिर बिक्रीको प्रक्रिया अगाडि बढाई सूचनामा उल्लेख छ ।
आवेदन बैंकको सेयर रजिष्ट्रार कुमारी क्यापिटल, वा कुमारी बैंकको प्रधान कार्यालयमा आईपुग्ने गरि दिनुपर्नेछ ।
वि.सं.२०७८ असोज ५ मंगलवार ११:३० मा प्रकाशित
