काठमाडौं । लुम्बिनी प्रदेशमा कृषि कर्जा २०.२७ प्रतिशतले वृद्धि भएको छ ।
राष्ट्र बैंकले सार्वजनिक गरेको लुम्बिनी प्रदेशको प्रादेशिक आर्थिक गतिविधि अध्ययन प्रथम अर्ध वार्षिक प्रतिवेदनले यस्तो देखाएको हो ।
उक्त प्रदेशमा बैंक तथा वित्तीय संस्थाहरुबाट प्रवाहित कृषि कर्जा गत अवधिको तुलनामा २०.२७ प्रतिशतले वृद्धि भई ३७ अर्ब ६२ करोड रुपैयाँ पुगेको छ ।
उक्त अवधिमा कुल कर्जामध्ये सबैभन्दा बढी अन्य कृषि तथा कृषिजन्य सेवा शीर्षकमा प्रवाहित भएको देखिएको छ । उक्त शीर्षकमा ३५.६० प्रतिशत अर्थात १३ अर्ब ३९ करोड ५१ लाख रुपैयाँ कर्जा प्रवाहित भएको देखिन्छ ।
बैंक तथा वित्तीय संस्थाहरुबाट प्रवाहित कृषि कर्जा विश्लेषण गर्दा समिक्षा अवधिमा गत अवधिको तुलनामा अन्नबालीमा २८.६५ प्रतिशत, तरकारी बालीमा २६.७५ प्रतिशत, अन्य नगदे बालीमा ३४.१७प्रतिशतले वृद्धि भएको प्रतिवेदनमा उल्लखे छ ।
यस्तै, फलफूल तथा पुष्पखेतीमा २१.४० प्रतिशत, मलखाद तथा किटनाशकमा ७५.४६ प्रतिशत, पशुपालन/पशुवधशालामा ४४.३१ प्रतिशत, पंक्षी पालनमा ८.०६ प्रतिशत, माहूरी पालनमा ६२.८४ प्रतिशत अन्य कृषि तथा कृषिजन्य सेवामा १२.८७ प्रतिशत, बनमा ८.४६ प्रतिशत, माछा पालनमा १६.१२ प्रतिशत र सिँचाईमा ६६.५८ प्रतिशतलेवृद्धि भएको देखिन्छ ।
वि.सं.२०७८ असोज ५ मंगलवार १४:२४ मा प्रकाशित